Ishema Party: Intwari za Rubanda n’Urugero rw’ubutaripfana 2021.

Ishema Party: Intwari za Rubanda n’Urugero rw’ubutaripfana 2021.

Ishyaka Ishema ry’u Rwanda, ku munsi ngarukamwaka ryashinzweho, 28 Mutarama 2021 ryizihije imyaka umunani rimaze rishinzwe. Kuri uwo munsi, ryahisemo bamwe mu Banyarwanda ribagenera Ishimwe nk’ikimenyetso cyo kuzirikana ibikorwa byabaranze no gutoza abatoya kubakurikiza.
Abahawe amashimwe barimo ibice bibiri.
Icya mbere kitwa, “Intwari za Rubanda” kirimo abasirikare batatu b’Inzirabwoba kubera ibikorwa byabaranze mu kurwanirira ubusugire bw’igihugu cyabo.
Abo ni:
1. Major RWANDEYE Ildephonse 2.Général NSABIMANA Déogratias uzwi ku kabyiniriro ka Castal 3.Général KABIRIGI Gratien
Mu gice cya kabiri kitwa “Urugero rw’ubutaripfana” harimo abanyarwanda bagaragaje gushirika ubwoba bagafata ijambo , bakanga kuripfana , bakamagana akarengane gakorerwa rubanda kandi biteguye kwakira ingaruka zose zabababaho.
Muri iki cyiciro turasangamo:

1. Bwana NIYONSENGA Dieudonné alias CYUMA Hassan
2. Bwana KARASIRA Aimable
3. Abaturage bo muri Bannyahe
4. Ishyirahamwe LECP Info
5. Bwana NKUSI Joseph
6. Madamu Judi REVER

Gutanga aya mashimwe bibaye ku nshuro ya kabiri kuko ubuheruka hari tariki ya 28/01/2018. Icyo gihe abagenewe ishimwe ry’intwari ni MUTARAIII Rudahigwa, Grégoire KAYIBANDA, Dominique MBONYUMUTWA na Juvenal HABYARIMANA. Naho mu Urugero rw’ubutaripfana harimo Madamu Victoire INGABIRE, Me Bernard NTAGANDA, Déogratias MUSHAYIDI, Kizito MIHIGO, Joseph MATATA na Siméon MUSENGIMANA.

Nitwe tugomba guha agaciro intwari zacu, nta wundi ubitubereyemo.

Bikozwe kuwa 28/01/2021

Chaste Gahunde

Ishema Party