KWIBUKA JENOSIDE YAKOREWE ABAHUTU , UMUNSI WA KARINDWI: UBWICANYI BWAKOREWE ABAHUTU I RWAMAGANA

Muri Kamena 1994, Jean Bosco Kazura, umwe mu bayobozi b’AGATSIKO kari gashinzwe kwica, yari yarimukiye i Rwamagana, mu burasirazuba bw’umurwa mukuru wa Kigali, agace kari kayobowe na FPR. Kazura yari ashinzwe abasirikare bagera ku 100 bahiga abasivili, bakabica bakabajugunya mu byobo. Umusirikare mukurubwahoze muri FPR yagize ati: “Kazura ku giti cye yagize uruhare mu gukora, kuyobora no kugenzura ibyo bikorwa byo guhiga no gukusanya abasivili b’Abahutu [muri kariya gace ko mu burasirazuba bwa Kigali], kubazana muri gereza no kubajyana aho biciwe.” Igihe kimwe, abagore n’abana bahungiye muri kiliziya gatolika bajyanywe i Rwamagana, aho biciwe bajugunywa mu rwobo hejuru y’abatutsi bari bishwe n’interahamwe mbere muri jenoside.

Abandi bantu barafashwe bafungirwa kuri sitasiyo ya lisansi mbere yo kwicwa no kujugunywa mu rwobo rumwe. Uyu musirikare ati: “Amaboko y’abagore yari aboheye inyuma baboheshejwe ibitenge byabo naho abagabo baboheshejwe amashati. Bajyanywe muri cachot kuri sitasiyo ya peteroli i Rwamagana. Nimugoroba biciwe kuri sitasiyo abandi bajyanwa mu rwobo bicirwa aho ”. Nibura abantu 600 bishwe muri ubwo buryo bakomokaga muri Rwamagana honyine, naho abarenga 2000 bose hamwe bakaba baturutse mu duce tuhegereye. Mu ntangiriro za Nyakanga, Kazura yazaga i Rwamagana inshuro nyinshi mu cyumweru muri Land Cruiser yera. Yagumye muri Dereva Hotel, inzu y’abashyitsi aho yabaga yishimisha n’ abagore n’inzoga. Umupolisi muto witwa Damas, yemeje ko Rwamagana yari urugero rw’uburyo bwo gufunga no kwica FPR yokoresheje muri jenoside yakorewe abahutu. Damas yari ahari muri Nyakanga ubwo abasirikari bo mu kigo cya gendarmerie cyaho bishe abahutu bagera kuri 200 bakoresheje imbunda n’udufuni. Benshi mu bahutu bari babanje kuboherwa amaboko inyuma (akandoyi). Bamwe muribo basanzwe bapfuye bazize ibikomere by’amasasu. Damas Ati: “Ku rwego rwanjye, byari biteye ubwoba, ariko twari mu bihe by’ubwicanyi.” Imirambo yapakiwe mu makamyo atatu ya Mercedes hanyuma ijyanwa gutwikirwa muri Parc Akagera.

Birangiye, umusirikare umwe yababajwe n’ibyo bamaze gukora ndetse yongeraho batagombaga kwica abo bahutu. Yahise akubitwa mu mutwe inkoni nyinshi ajyanwa mu bitaro.

TWIBUKE ABAHUTU BAZIZE UBWICANYI BWA FPR KANDI TWAMAGANE JENOSIDE IKOMEJE KUBAKORERWA.